Verbind met die internet via MyDrive Connect

As jy nie via WiFi met die internet kan verbind nie, kan jy bywerkings en nuwe items installeer deur 'n USB-verbinding met 'n rekenaar te gebruik.

Terwyl jou toestel verbind is, kan jy ook via TomTom MyDrive sinchroniseer.

Om via USB met die internet te verbind, doen die volgende:

1. Maak seker dat MyDrive Connect op jou rekenaar geïnstalleer is.
2. Maak seker jou rekenaar het 'n werkende internetverbinding.
3. Koppel jou VIA aan jou rekenaar via die voorsiene USB-kabel, en skakel dan jou VIA aan.

   MyDrive Connect begin outomaties en deel jou rekenaar se internet met jou toestel.

   Let wel: Gebruik SLEGS die USB-kabel wat saam met jou toestel VIA voorsien is. Ander USB-kabels sal dalk nie werk nie.

   Let wel: Jy kan nie die hegstuk gebruik om jou VIA aan jou rekenaar te koppel nie.

   Let wel: Jy moet die USB-kabel direk by die USB-poort op jou rekenaar inprop en nie by 'n USB-naaf of USB-poort op 'n sleutelbord of skerm nie.

4. Installeer jou bywerkings en nuwe items op jou VIA.