Jy kan bepaal watter tipe voertuig jy ry en sekere instellings spesifiseer sodat die roete wat deur jou toestel beplan word, geskik sal wees vir jou voertuig. As jy jou TomTom BRIDGE in 'n ander tipe voertuig wil gebruik, verander bloot die voertuigtipe en die instellings.
Let wel: As die "My voertuig"-skerm vooraf deur die stelseladministrateur ingestel en gesluit is, kan jy nie jou voertuigtipe en -spesifikasies verander nie.
Kies Instellings in die Hoofkieslys en kies dan My voertuig.
Die "My voertuig"-skerm word gewys.
Kies Voertuigtipe en kies dan jou tipe voertuig uit die lys wat gewys word.
Lees die inligting vervat onder Jou veiligheid en kies dan OK.
Die "My voertuig"-skerm word gewys met die instellings vir die gekose voertuigtipe.
Kies elke instelling en voer die korrekte waarde vir jou voertuigtipe in. As 'n instelling, byvoorbeeld Maksimum spoed, nie 'n beperking op roetes gaan plaas nie, stel dit op zero.
Wenk: Vir bus- en vragmotor-voertuigtipes is die afmetings, gewig en maksimum spoed vooraf ingestel. Verstel die instellings om by jou voertuig se werklike spesifikasies te pas.
Belangrik: Instellings wat op zero gestel is, word nie gebruik om beperkings te bepaal wanneer 'n roete beplan word nie.
As jou voertuig 'n vragmotor is wat gevaarhoudende stowwe vervoer, kies Gevaarhoudende stowwe en kies dan die tipe gevaarhoudende stowwe wat vervoer word.
