Beplan 'n roete vooruit

Jy kan 'n roete vooruit beplan voordat jy daarlangs ry. Jy kan die roete as deel van jou lys van My roetes stoor.

Om 'n roete vooruit te beplan, doen die volgende:

1. Soek na die ligging wat jy as 'n beginpunt wil gebruik.
2. Kies Wys op kaart.
3. Kies die opwipkieslys-knoppie.

   'n Opwipkieslys wys 'n lys van opsies.

   

4. Kies Gebruik as beginpunt.
5. Soek na die ligging wat jy as jou bestemming wil gebruik.
6. Kies Wys op kaart.
7. Kies Ry in die opwipkieslys.

   Jou roete word via jou gekose beginpunt en bestemming beplan. Die beraamde reistyd word bo-aan die roetebalk gewys.

   Wenk: Stilhouplekke, PVBs en Plekke kan almal via die opwipkieslyste as beginpunte gekies word.

   Wenk: Jy kan die roete in My roetes stoor.

8. Om na die beginpunt te ry, kies Ry bo-aan die skerm.

   Die beginpunt van die roete word na jou eerste stilhouplek omgeskakel en daarna word die roete beplan. Begeleiding na jou bestemming begin vanaf jou huidige ligging. Sodra jy begin ry, word die leidingaansig outomaties gewys.

Verander die beginpunt na jou huidige ligging

1. Kies die beginpunt van die roete in die kaartaansig.
2. Kies die opwipkieslys-knoppie.

   'n Opwipkieslys wys 'n lys van opsies.

   

3. Kies Verwyder beginpunt.

   Jou roete word herbeplan met jou huidige ligging as die beginpunt. Die oorspronklike beginpunt word uit jou roete geskrap.

Verander die beginpunt na 'n stilhouplek

1. Kies die beginpunt op die roete in die kaartaansig.
2. Kies die opwipkieslys-knoppie.

   'n Opwipkieslys wys 'n lys van opsies.

   

3. Kies Verander na 'n stilhouplek.

   Jou roete word herbeplan met die beginpunt wat na 'n stilhouplek verander is.