Die leidingaansig word gebruik om jou langs die roete na jou bestemming te lei. Die leidingaansig wys wanneer jy begin ry. Jy sien jou huidige ligging en details langs jou roete, waaronder 3D-geboue in sommige stede.
Let wel: 3D-geboue in leidingaansig is nie op alle GO-toestelle beskikbaar nie.
Die leidingaansig is normaalweg in 3D. Om 'n 2D-kaart te wys met die kaart wat in die rigting beweeg waarin jy reis, verander die 2D- en 3D-verstekinstellings.
Wenk: As jy 'n roete beplan het en die 3D-leidingaansig word gewys, kies die "wissel aansig"-knoppie om na die kaartaansig te verander en die interaktiewe funksies te gebruik.
Wanneer jou navigasietoestel begin nadat dit onaktief was en jy 'n roete beplan het, sien jy die kaartaansig met jou huidige ligging.
"Wissel-aansig"-knoppie Kies die "wissel aansig"-knoppie om van die kaartaansig na die leidingaansig te verwissel.
Zoem-knoppies. Kies die zoem-knoppies om in en uit te zoem.
Wenk: Op sommige toestelle kan jy ook knyp om in en uit te zoem.
Instruksiepaneel Hierdie paneel wys die volgende inligting:
Roetesimbole Simbole word op jou roete gebruik om jou beginligging, jou stilhouplekke en jou bestemming te wys.
Hoofkieslys-knoppie Kies die knoppie om die Hoofkieslys te wys.
Spoedpaneel Hierdie paneel wys die volgende inligting:
Die spoedgrens by jou ligging.
Jou huidige spoed. As jy meer as 5 km/h of 3 mpu oor die spoedgrens ry, verander die roetebalk na rooi. As jy minder as 5 km/h of 3 mpu oor die spoedgrens ry, verander die roetebalk na oranje.
Die naam van die straat waarin jy ry.
Huidige ligging. Hierdie simbool wys jou huidige ligging. Kies die simbool of die spoedpaneel om die kitskieslys oop te maak.
Let wel: As jou navigasietoestel nie jou ligging via GPS of 'n ander metode kan vind nie, verskyn die simbool in grys.
Roetebalk Die roetebalk wys wanneer jy 'n roete beplan het.
Belangrik: Om 'n wyer roetebalk te sien wat bykomende roete-inligting wys, verander die instelling vir Roete-inligting.
