Stemme

Kies Instellings in die Hoofkieslys en kies dan Stemme.

Kies 'n stem

Kies Kies 'n stem om die stem wat gesproke aanwysings en ander roete-instruksies gee, te verander.

'n Wye verskeidenheid stemme is beskikbaar. Daar is rekenaarstemme wat straatname en ander inligting direk vanaf die kaart kan lees en daar is opgeneemde stemme wat deur akteurs opgeneem is.

Let wel: Rekenaarstemme is nie vir alle tale beskikbaar nie.

As jy 'n rekenaarstem benodig en jou taal nie beskikbaar is nie, word jy gevra om te kies uit 'n lys geïnstalleerde rekenaarstemme wat beskikbaar is vir die land waarin jy jou bevind.

Instruksie-instellings

• Lees aankomstyd hardop

  Gebruik hierdie instelling om te bepaal of jou aankomstyd hardop uitgelees moet word.

• Lees vroeë instruksies hardop

  Byvoorbeeld, as jy hierdie instelling aanskakel, hoor jy vroeë instruksies soos "Na 2 km, neem die afrit regs" of "Vorentoe, draai links".

  Let wel: Wanneer 'n opgeneemde stem gekies is, sien jy slegs hierdie instelling omdat opgeneemde stemme nie padnommers, padtekens, ens. kan uitlees nie.

• Lees straatnommers hardop

  Gebruik hierdie instelling om te beheer of padnommers hardop as deel van navigasie-instruksies uitgelees word. Byvoorbeeld, wanneer padnommers hardop uitgelees word, hoor jy "Draai links op A100".

• Lees inligting op padtekens hardop
• Gebruik hierdie instelling om te beheer of inligting oor padtekens hardop as deel van navigasie-instruksies uitgelees word. Byvoorbeeld, "Draai links op A302 Bridge-straat rigting Islington."
• Lees straatname hardop

  Gebruik hierdie instelling om te beheer of straatname hardop as deel van navigasie-instruksies uitgelees word. Byvoorbeeld, wanneer straatname hardop uitgelees word, hoor jy "Draai links Grahamweg rigting Hackney."

• Lees vreemde straatname hardop

  Gebruik hierdie instelling om te beheer of vreemde straatname hardop as deel van die navigasie-instruksies uitgelees word, byvoorbeeld "Draai links Champs Élysées". 'n Engelse rekenaarstem kan, byvoorbeeld, Franse straatname lees en uitspreek, maar die uitspraak is dalk nie heeltemal akkuraat nie.