Belangrik: Roetebeplanning vir 'n spesifieke voertuigtipe is slegs moontlik wanneer 'n vragmotorkaart geïnstalleer is. Indien 'n vragmotorkaart nie geïnstalleer is nie, word 'n motorroete in die plek daarvan beplan.
Kies Instellings in die Hoofkieslys en kies dan My voertuig.
Op hierdie skerm kan jy jou voertuigtipe en sy afmetings instel.
Roetes wat deur jou toestel beplan word, vermy beperkings vir die voertuigtipe en neem die voertuig se spesifikasies in ag.
Kies hierdie instelling om jou voertuigtipe te kies. Wanneer jy jou voertuig kies, word die volgende details van jou voertuig gewys:
Vir voertuigtipes Motor en Paneelwa is die afmetings, gewig en maksimum spoed op zero gestel. Om 'n instelling te verander, kies dit en tik 'n waarde in wat spesifiek op jou voertuig van toepassing is. Jy kan ook 'n instelling op zero los sodat dit nie gebruik sal word om beperkings te bepaal wanneer 'n roete beplan word nie.
Vir voertuigtipes Bus en Vragmotor word voorafgestelde afmetings, gewig en maskimum spoed gewys. Om 'n instelling te verander, kies dit en tik 'n waarde in wat spesifiek op jou voertuig van toepassing is.
Belangrik: Instellings wat op zero gestel is, word nie gebruik om beperkings te bepaal wanneer 'n roete beplan word nie.
As jou voertuig 'n vragmotor is en jy gevaarhoudende stowwe vervoer, kies hierdie instelling om die tipe gevaarhoudende stowwe te kies.