My roetes maak dit moontlik om roetes en "tracks" moeiteloos te stoor en te herroep.
Dit is raadsaam om My Roetes in een of meer van die volgende situasies te gebruik:
Wanneer jy werk- Jou werk behels dat jy op 'n daaglikse basis langs verskeie roetes met meervoudige stilhouplekke ry. Jou roetes kan verander en jy moet aanpasbaar wees sodat jy die volgorde van jou stilhouplekke of die beplande roete kan verander.
Wanneer jy op vakansie is - Jy gaan met vakansie en wil 'n roete beplan en stoor. Jou roete sluit panoramiese paaie, stilhouplekke by verskeie hotelle en ander plekke se besienswaardighede in.
Wanneer jy toer - Jy wil 'n toer volg wat jy vanaf die Internet afgelaai het, of langs 'n roete ry wat 'n ander gebruiker met jou gedeel het.
Wanneer jy werk toe pendel - Jy wil een of twee gereelde stilhouplekke tussen die huis en die werk byvoeg. Jou roete terug huis toe in die aand is die omgekeerde van jou roete werk toe in die oggend.
Roetes kan op jou Rider geskep en gespaar word, of in MyDrive. Jy kan ook 'n nutsding soos Tyre Pro gebruik om roetes en "tracks" te skep en te redigeer.
Meer oor roetes en "tracks"
Die term "roete" omvat twee tipes roetes vanaf een plek na 'n ander:
Roetes het 'n beginpunt en 'n bestemming, en miskien 'n paar stilhouplekke. Jou toestel bereken jou voorkeurtipe roete langs al hierdie punte, byvoorbeeld die vinnigste of ekonomieste, en maak van Traffic gebruik. Jy kan 'n roete redigeer deur, byvoorbeeld, stilhouplekke by te voeg of die beginpunt te verskuif. Roetes kan ingevoer word maar kan nie vanaf jou toestel uitgevoer word nie.
"Tracks" het ook 'n beginpunt en 'n bestemming, maar het geen stilhouplekke nie. Jou roete volg die "track" so getrou as moontlik, maar steur hom geensins aan jou voorkeure ten opsigte van roetes en/of "tracks" nie en ook nie aan enige verkeerstoestande wat onderweg ondervind mag word nie. Jy kan "tracks" slegs redigeer deur werktuie soos Tyre Pro te gebruik. "Tracks" kan ook van of na jou toestel uit- of ingevoer word.
Wenk: "Tracks" het 'n gestippelde pyltjie!
Belangrik: Roetes en "tracks" kan nie op dieselfde geheuekaart as kaarte gestoor word nie omdat 'n ander tipe geheuekaart-formatering gebruik word.
