Invoer van 'n PVB-lys komende van die gemeenskap

Jy kan PVB-liggings komende van die gemeenskap op die Internet vind en hulle via MyDrive in 'n webblaaier na My plekke oplaai. 'n PVB-versameling kan, byvoorbeeld, kampeerterreine of restaurante bevat vir die area waardeur jy reis en aan jou 'n maklike manier bied om 'n ligging te kies sonder dat jy telkens na die ligging hoef te soek.

Wenk: Op sommige TomTom-navigasietoestelle is PVB-lyste vooraf geïnstalleer.

Jou VIA gebruik .OV2-lêers vir PVB-versamelings.

Let wel: Jou VIA het minstens 400 MB vry spasie nodig voordat dit .OV2- en .GPX-lêers kan invoer. As jy die  boodskap Jy het meer spasie nodig sien,  stel meer spasie beskikbaar deur onnodige .OV2- of .GPX-lêers via MyDrive te skrap, of skrap inhoud op die toestel. Skrap, byvoorbeeld, 'n kaart wat jy nie gebruik nie.

Om 'n .OV2-lêer na jou VIA op te laai, doen die volgende:

1. In 'n webblaaier, meld aan by jou TomTom-rekening.
2. Kies PVB-lêers in die "My plekke"-kieslys.
3. Kies Voer PVB-lêer in en blaai tot by jou .OV2-lêer.

   Wenk: Die naam van die plekkelys in My plekke sal dieselfde wees as die naam van die .OV2-lêer. Redigeer die naam van die lêer sodat jy dit maklik in My plekke kan herken.

4. Maak seker jy is op jou VIA by MyDrive aangemeld.

   Jou VIA sinchroniseer met jou TomTom-rekening en ontvang die nuwe PVB-lêer.

   Let wel: Sommige .OV2-lêers is groot en kan lank neem om af te laai. Maak seker dat jy jou VIA sinchroniseer voordat jy begin ry.

5. Kies My plekke in die hoofkieslys.

   Jou nuwe PVB-lys word in die Places-lys gewys.

6. Kies jou nuwe PVB-lys.

   Jou nuwe PVB-lys maak oop en wys al die PVB's in daardie lys. Kies die kaartaansig om die PVB's op die kaart te sien.