Bywerking van die sagteware

Die TomTom BRIDGE eienaar sal van tyd tot tyd nuwe sagtewarebywerkings vrystel.

Wenk: Wanneer 'n sagtewarebywerking beskikbaar is, sal 'n kennisgewing in die Kennisgewingsbalk verskyn. Kies die knoppie in die regter onderste hoek van die toestel se skerm om die kennisgewingarea oop te maak.

Afhangende van die keuses wat deur die eienaar van die toestel tydens opstelling gemaak is, kan jy die TomTom BRIDGE op die volgende maniere bywerk:

• SD-geheuekaart - Indien deur die toesteleienaar opgestel, steek die SD-kaart in en laat loop die sagtewarebywerking-app.
• Selfoonnetwerk - Indien deur die toesteleienaar opgestel, laat loop die sagtewarebywerking-app en die selfoonnetwerkopsie.
• Eksterne berging - Indien deur die toesteleienaaropgestel, koppel 'n USB-skyf en laat loop die sagtewarebywerking-app.
• WiFi-netwerk - Volg die instruksies hieronder.

Bywerking via WiFi®

Wanneer jy toegang tot 'n WiFii®-verbinding het, kan jy die sagteware via die sagtewarebywerking-app bywerk. Groot bywerkings word in die agtergrond afgelaai wanneer die TomTom BRIDGE met Wi-Fi verbind is. Wanneer die WiFi-verbinding verbreek word, word die aflaai gepouseer. Wanneer die aflaai afgehandel is, sal jy gevra word om die bywerking te installeer.

Let wel: Sagtewarebywerkings kan slegs via 'n WiFi-verbinding afgelaai word.

Om die sagteware op die toestel by te werk, doen die volgende:

1. Kies die Tuisknoppie.
2. Kies die Instellings-app.
3. In Draadloos en netwerke, kies Wi-Fi.

   Kies en verbind met 'n WiFi-netwerk.

4. Kies die Tuisknoppie.
5. Kies die Sagtewarebywerking-app.

   Jou toestel sal die sagtewarebywerking outomaties aflaai en installeer.

Let wel: Jy moet dalk jou toestel herbegin om die sagtewarebywerking te installeer.