Rapporteer 'n risiko-sone

As jy by 'n nuwe tydelike risiko-sone verby ry waarteen jy nie gewaarsku is nie, kan jy dit oombliklik rapporteer.

Let wel: Om 'n risiko-sone te rapporteer, moet jou toestel 'n mobiele dataverbinding hê.

As 'n nuwe tydelike risiko-sone direk voor of na 'n bestaande risiko- of gevaarsone gerapporteer word, sal die nuwe sone by die bestaande sone gevoeg word.

As genoeg Gevaarsone-gebruikers 'n nuwe risiko-sone rapporteer, kan daardie sone 'n gevaarsone word en vir alle intekenare beskikbaar wees.

Jy kan 'n risiko-sone op die volgende maniere aanmeld:

Let wel: Nie alle apps beskik oor dieselfde funksies nie.

Gebruik die spoedpaneel om 'n risiko-sone te rapporteer

Kies die simbool vir risiko-sones op die spoedpaneel in die leidingaansig.
Jy sien 'n boodskap wat jou vir die rapportering van die sone bedank.

Wenk: As jy 'n fout maak wanneer jy 'n spoedkamera rapporteer, kies Kanselleer in die boodskap.

Die risiko-sone word outomaties op jou toestel gestoor, en ook aan ander gebruikers gestuur.

Gebruik die kitskieslys om 'n risiko-sone te rapporteer

Kies die "huidige ligging"-simbool of die spoedpaneel in die leidingaansig.
Kies Rapporteer risiko-sone vanuit die opwipkieslys.
Jy sien 'n boodskap wat jou vir die rapportering van die risiko-sone bedank.

Wenk: As jy 'n fout maak wanneer jy 'n risiko-sone rapporteer, kies Kanselleer in die boodskap.

Die risiko-sone word outomaties op jou toestel gestoor, en ook aan ander gebruikers gestuur. 'n Gerapporteerde risiko-sone bly op jou toestel vir drie ure.

Gebruik die Hoofkieslys om 'n risiko-sone te rapporteer

Kies die Hoofkieslys-knoppie om die hoofkieslys oop te maak.
Kies Rapporteer risiko-sone.

Jy sien 'n boodskap wat jou vir die rapportering van die risiko-sone bedank.

Wenk: As jy 'n fout maak wanneer jy 'n risiko-sone rapporteer, kies Kanselleer in die boodskap.

Die risiko-sone word outomaties op jou toestel gestoor, en ook aan ander gebruikers gestuur. 'n Gerapporteerde risiko-sone bly op jou toestel vir drie ure.