Beplan 'n roete deur die kaart te gebruik

Belangrik: In die belang van veiligheid, en om te verhoed dat jou aandag afgelei word terwyl jy bestuur, moet jy altyd 'n roete beplan vóór jy begin ry.

Om 'n roete te beplan deur die kaart te gebruik, doen die volgende:

1. Beweeg die kaart en zoem in totdat jy die bestemming kan sien waarheen jy wil navigeer.

   

   Wenk: Jy kan ook 'n kaartsimbool kies om die opwipkieslys oop te maak. Kies dan die Ry-knoppie om 'n roete na daardie ligging te beplan

2. Wanneer jy jou bestemming op die kaart gevind het, kies dit deur die skerm vir omtrent een sekonde te druk en te hou.

   'n Opwipkieslys wys die naaste adres.

   

3. Om 'n roete na hierdie bestemming te beplan, kies Ry.

   'n Roete word beplan en daarna begin begeleiding na jou bestemming. Sodra jy begin ry, word die leidingaansig outomaties gewys.

   Wenk: Jy kan deur die opwipkieslys-knoppie te kies, die ligging wat jy gekies het op ander maniere gebruik, soos om dit by My plekke te voeg.

   

   Wenk: As jou bestemming in 'n ander tydsone is, sien jy 'n plus (+)- of 'n minus (-)-teken en die tydsverskil word in ure en halfure in die Bestemmingspaneel gewys. Die beraamde tyd van aankoms is die plaaslike tyd by jou bestemming.

   Wenk: Jy kan 'n stilhouplek by 'n roete voeg wat jy reeds beplan het.

   Wenk: Jy kan 'n roete via My roetes stoor.