Meer oor GPX- en ITN-lêers

GPX-lêers (GPS-uitruilformaat)

GPX-lêers bevat 'n baie gedetailleerde opname van waar jy jou op jou "track" bevind het, insluitend enige liggings weg van die pad af. GPX-lêers word "tracks" nadat hulle ingevoer is.

Gebruik GPX-lêers

Daar is verskeie dinge wat jy met jou GPX-lêer kan doen:

• Gebruik TomTom MyDrive om jou "track"-lêer te bekyk.
• Voer uit na 'n geheuekaart of direk na jou rekenaar en gebruik dan jou rekenaar om die lêer via sagteware soos Google Earth te bekyk.

  Let wel: Onderwyl jy jou opname bekyk, kan jy dalk bemerk dat die aangetekende GPS-liggings nie altyd met die paaie ooreenstem nie. Dit kan aan verskeie redes toegeskryf word. Ten eerste, jou toestel probeer om die lêers klein te hou en dit kan 'n geringe verlies aan data-akkuraatheid tot gevolg hê. Ten tweede, jou toestel teken die werklike data vanaf die GPS-flokkie aan vir 'n akkurate weergawe van waar jy jou bevind het eerder as om wat jy op jou skerm sien, aan te teken. Ten derde, die sagteware waarmee jy na die opname kyk se kaarte is dalk nie reg opgelyn nie.

• Deel die lêer met ander mense deur dit uit te voer.

  Let wel: "Tracks" kan ingevoer en uitgevoer word.

ITN-lêers (TomTom se eie lêerformaat vir reisplanne)

'n ITN-lêer bevat minder details as 'n GPX-lêer. 'n ITN-lêer kan 'n maksimum van 255 liggings bevat wat voldoende is om 'n roete akkuraat na te doen. ITN-lêers word roetes nadat hulle ingevoer is.

Gebruik ITN-lêers

Daar is verskeie dinge wat jy met jou ITN-lêer kan doen:

• Jy kan 'n ITN-lêer op jou TomTom BRIDGE invoer sodat jy weer langs dieselfde roete kan reis en navigasie-instruksies ontvang.
• Gebruik TomTom MyDrive om jou roete te bekyk.