Voer roetes en "tracks" in

Meer oor roetes en "tracks"

Die term "roete" omvat twee tipes weë vanaf een plek na 'n ander:

• Roetes het 'n begin- en 'n eindpunt en 'n paar opsionele stilhouplekke  tussenin. Jou toestel bereken jou voorkeurtipe weg tussen al hierdie punte, byvoorbeeld die vinnigste of ekonomieste. Jy kan 'n roete redigeer deur, byvoorbeeld, stilhouplekke by te voeg of die beginpunt te verskuif. Roetes kan ingevoer word maar kan nie op die oomblik vanaf jou toestel uitgevoer word nie.

  

• "Tracks" het ook 'n begin- en 'n eindpunt maar geen stilhouplekke nie. Jou toestel het egter 'n vasgestelde kaartafhanklike weg tussen hierdie punte en jou toestel hou sover moontlik by daardie vasgestelde weg. Jy kan "tracks" redigeer deur werktuie soos Tyre Pro of Garmin Basecamp te gebruik. "Tracks" kan ook van of na jou toestel uit- of ingevoer word.

  

  Wenk: "Tracks" het 'n gestippelde pyltjie!

Voer roetes en "tracks" in

Jy kan twee soorte lêers vanaf jou vriende of vanaf Tyre Pro invoer:

• GPX-lêers - hierdie word "tracks" nadat hulle ingevoer is.
• ITN-lêers - hierdie word roetes nadat hulle ingevoer is.

  Wenk: ITN-lêers is TomTom-reisplanlêers. Vriende kan reisplanlêers met jou deel of jy kan beide ITN- en GPX-lêers vanaf Tyre Pro aflaai.

Om een of meer roetes of "tracks" in te voer, doen die volgende:

1. Steek 'n geheuekaart by die kaartgleuf op jou TomTom Rider in.

   As roetes op jou geheuekaart gevind word, sal 'n boodskap dit bevestig.

2. Kies OK.
3. Kies een of meer roetes uit die lys op jou geheuekaart om in te voer.

   Wenk: Om alle roetes te kies of te ontkies, kies die opwipkieslys-knoppie.

4. Kies Voer in.

   Jy sien die boodskap Voer roetes in. Jou roetes word na jou toestel ingevoer.

5. Wanneer jy 'n boodskap sien dat jou roetes suksesvol ingevoer is, verwyder jou geheuekaart.
6. Om jou ingevoerde roetes en "tracks" te bekyk, kies My roetes in die Hoofkieslys.